Предновогодишна инклузивна магија – забава и волшебни спомени за сите!
Здружението ИКУАЛИТИ, во соработка со Скопје Сити Мол, на 26 декември 2025 година (петок), со почеток од 10:00 часот, ја организира најпрекрасната, најзабавната и најинклузивната предновогодишна забава, која по трет пат носи радост и празнична магија за сите граѓани.
Предновогодишната инклузивна забава е отворена за сите и претставува позитивен пример за соработка и испраќа силна порака за еднаквост, прифаќање и почитување на различностите.
Програмата опфаќа:
10:00 ПРАЗНИЧНА ПОВОРКА НА ДЕДО МРАЗ И ПОМОШНИЦИТЕ
10:00 – 12:00 СЕНЗОРНА ХЕРБАЛНО-КРЕАТИВНА РАБОТИЛНИЦА – БИЛКИЛАЈФ
11:00 – 13:00 НОВОГОДИШНА НАГРАДНА ИГРА „ТРАГАМЕ ПО БОГАТСТВО“
14:00 – 15:00 МУЗИЧКА ПРИКАЗНА „КАКО ДЕДО МРАЗ ОСЛАБЕЛ?“ – ТЕАТАР ЗА ТЕБЕ
15:00 – 17:00 МУЗИЧКО-ЗАБАВНА ПРОГРАМА
-ученици од музичко училиште „Андријана Јаневска“
-Петко и Пет+ фамилија
26 – 28 декември ИЗЛОЖБИ
„Уметноста е за сите“ – фотографии на Стефани Стојановска.
„Живеј со стил – поддржи различности“ – 32 портрети на лица со попреченост
„Преку внимателно осмислени содржини, настанот придонесува кон создавање позитивна и инспиративна средина во која децата, младите и возрасните со и без попреченост ќе можат заеднички да уживаат и да се забавуваат. Сензорните, креативните и забавните активности ќе поттикнат емпатија, меѓусебно разбирање и активно учество, создавајќи магија и волшебни спомени за сите во овие празнични денови.“ – изјави Гере Трипков, претседател на Здружението Икуалити.
Повеќе детали за настанот и целосната програма се достапни на овој линк: Новогодишна инклузивна забава 2025, како и на официјалните профили на Здружението Икуалити на Инстаграм и Фејсбук.
