6 начини за подобрување на говорот и комуникацијата на дете со посебни потреби

Децата со посебни потреби имаат не само физички ограничувања што ја оспоруваат нивната можност за комуникација, тие исто така имаат и бариери во животните вештини. На децата со посебни потреби честопати им требаат алатки за да си помогнат во комуникацијата и можеби ќе треба да се вложат време и пари за да се научат и изменат стратегиите за да се прилагодат на светот.

Ви даваме 6 алтернативни методи за подобрување на говорот и комуникацијата:

1. Гестови и невербална комуникација – Вклучувајќи гестови како што се покажување, кимање со главата и фокусиран контакт со очите може да им помогне на децата со попреченост да ги разберат пораките. Родителите, членовите на семејството и пријателите можеби ќе треба да ги преувеличат своите гестови или да ги продолжат, особено на почетокот, за да промовираат разбирање. Општо, децата сакаат да реагираат на претерани невербали со свои движења и гестови, но за деца со попреченост, гестовите се скоро неопходни.
2. Прочитајте им – и често разговарајте со нив. Практиката ја прави совршена старата поговорка, и ова секако е добра за децата со попреченост кога учат подобри стратегии за комуникација. Првиот чекор кон учење јазик е слушање и не можеме да очекуваме дека детето ќе комуницира добро ако прво не ги научиме да разбираат. Изложеноста на комуникација е клучен елемент за учење.
3. Постојано давајте објаснување. Во маркет, разговарајте со детето на секој чекор. Бројте ги јаболките додека ги ставате во пластични кеси, прочитајте ги предметите од списокот и проверете ги со детето и, конечно, дозволете му на детето да ви помогне да организирате и чувате намирници кога ќе се вратите дома. Ова е дупло добро за Вашето дете, и тоа: ви овозможува да му ги повторувате предметите на детето одново и одново, промовирајќи учење и исто така учејќи го за купување намирници. Истово можете да го правите во многу ситуации, не само за во маркет.

4. Менувајте ги зборовите во вашето обраќање кон него. Иако сигурно сакате да започнете со едноставен јазик, на крајот ќе сакате да го проширите речникот на вашето дете, доколку е во можност. Предизвикајте го вашето дете со мешање на вашите зборови. Користете  „други зборови“ од време на време. Наместо да му кажете на вашето дете да помине низ вратата, кажете му да влезе низ неа. Проширувањето на вокабуларот го предизвикува процесот на размислување, како и му помага на детето да се чувствува уверено во комуникациските вештини.
5. Користете слики. Како флеш-картички, сликите можат да ја предизвикаат меморијата. Поврзувањето неподвижни слики со зборови може да му помогне на детето да ги поврзе зборовите со реалниот свет. Користете слики со единечни предмети. Како што детето учи, може да воведете слики во кои децата можат да идентификуваат неколку предмети.
6. Сфатете ги и почитувајте ги нивните разлики и ограничувања. Предизвиците на децата можат да им дадат можности да успеат, но родителите исто така можат и знаат  да претераат. Детето ќе ве извести кога е подготвено да премине во друга авантура на учење на јазик.

Овозможете професионалци да работат со вашето семејство за да развијат план што ја подобрува комуникацијата и ги проширува можностите за вашето дете. Кога сите работиме заедно, детето ќе има експоненцијална корист.

Текстот го напиша лиценциран детски тренер и личен детски асистент: Славе Павловски