4 Јули – Денот на „Алиса во земјата на чудата“

На денешен ден, 4 јули, светот го одбележува Денот на „Алиса во земјата на чудата“. Омилената класична приказна полна со фантазија, апсурди и бескрајна имагинација. Идејата за „Алиса“ за првпат била раскажана токму на 4 јули 1862 година, кога Луис Керол, математичар и писател, им ја споделил приказната на малата Алиса Лидел и нејзините сестри за време на возење со чамец по реката Темза во Оксфорд. Она што започнало како импровизирана приказна, подоцна прераснало во едно од највлијателните дела на детската литература.

„Алиса во земјата на чудата“ не е само бајка – тоа е патување низ апсурдот, логиката и детската фантазија. Делото инспирира генерации читатели, уметници, режисери и педагози веќе повеќе од 150 години.

Денешниот ден се слави низ целиот свет со: читање на книгата, организирање тематска седенка со пиење чај по примерот на „Лудиот Шапкар“. Костимирани настани и работилници за деца во многу градинки и училишта. Квизови, драмски игри и креативни изложби.

Во време кога светот е често премногу сериозен, приказните како „Алиса“ нè потсетуваат на важноста на имагинацијата, љубопитноста и слободата да веруваме во „шест невозможни нешта пред појадок“. Затоа и кралицата го има изјавено токму тоа: „Понекогаш верувам и до шест невозможни нешта пред појадок.“